151229 "THE AFTERBURN"

151229

"我只想, 身體健康~~~"
老老土土講到尾, 我都係想要靚SHAPE 同靚身體JI~

早前聽過一種叫AFTERBURN EFFECT,
標榜運動後都繼續燃燒脂肪, 減肥效果比以前所做GE 運動為佳.
成日都以前以前, 以前好差咩?
又唔係, 只係現今科技先進左, 運動科學大行其道,
人地做哂研究, 做哂分柝, 點都信佢, 好過自己落街鳩衝無極限LA,
所以, 係準備行動前, 做左D 資料搜集.

搵多幾個網, 發現資料開始重覆, 簡單解釋就係, ((專業名詞唔係好識))

""當做運動時, 用高密度, 短間歇運動(HIIT)去谷爆心肺功能,
當過度消耗能源後(EPOC), 身體就雖要較長時間去復完,
而復完會燃燒脂肪, 即AFTERBURN EFFECT"

不同報告講過,
1. 衝10 SEC 就可以谷起代謝率, 每次15-20 分鐘, 每週3-4 次夠哂
2. 同樣跑30 分鐘同間歇跑30分鐘, 能量消耗可以係多一倍.
3. AFTERBURN EFFECT 可以去到48 HRS ((所指係負重運動))
4. 越長時間訓練, 越短間歇休息時間, 效果更佳.

不過, 有研究指, 其實效果無想像中咁勁,
試過谷到心肺功能75% 持續做80 分鐘HIIT,
AFTERBURN EFFECT  只係幫助消到一塊OREO 的熱量.

你信唔信有咁正GE 鍛鍊方法? 想知, 自己再去研究下LA,

反正, 我就信了.

151228 "詩經?" "私經"

151228

今年想搞些新意思, 為自己制定一本經,
有如聖經, 有如佛經.

曾說過,  堅持, 是人與人之間最大的分別.
而資訊越發達, 跳脫思維, 新刺激變成常事. 人就變得越不堅持
當一個構思未成, 另一個又起,
最終只會不停不停的去追新事物而變成五不象.
何為堅持, 已經不再重要.
人與人與人與人之間, 就只是人與人與人之間的分別.
你......我之別, 只是鬥快的資訊.....虛無漂渺.

試試這幾天搜集數年所得所失,
為自己制定堅持的事, 組成自己的自私經,
然後如宗教般信奉,
多看, 多記, 多點堅持.
16 年, men 一點吧. ~~

你會試試看嗎?

151227 ""你真係好勤力呀~~""

151227

一次家庭飯聚, 未婚妻家姐說道: ""你真係好勤力呀~~""

""勤力"" 呢兩個字, 一直都認為係褒多個貶義,
老師讚你好勤力, 隔離屋陳太讚你好勤力,
樓下黃C 奶都讚你同你老豆都好勤力,
由細到大都聽到人地咁講, 以為勤力係一件好事,
但最近當家姐咁樣同我講時, 我感到好羞愧.

羞愧係因為, 別人說你勤力,
是假定""你咁勤力, 應有一定回報吧~~""
但自己日做夜做, 沒有了時間, 沒有了自由, 戶口數字不升反跌,
相反, 望住佢地日日遊手好閒, HIGHTEA 按摩 FACIAL 但戶口郤有一大筆錢,

霎時間, 對住"勤力"呢個字,
彷彿只係聽到"死蠢" 一樣.
彷彿人地唔知講咩好所以讚你勤力, 如果唔係一早讚左你""叻""
好羞愧, 仲話要迎娶人地個女, 佢個妹,
望住佢個老豆, 我覺得自己係零. ......

當家姐話畢, 我兩秒無言以對, 想著自己的辛酸, 口中只好冷靜說句, "多謝"
然後就即時轉個港女最愛話題, ""哇, 洗米華有14 億身家呀""
極速結束似褒還貶的讚許, 心酸, 都係留番比自己LA....
社會上無人會聽你訴苦的......

飯局尾段, 聽住佢地講去酒莊的趣事,
思緒郤諗住之前新聞中的一個廿四孝老豆.

廿四孝老豆為仔買房, 一炮過比錢唔使仔供,
然後瀟洒係電視機前講左句有如哲學般GE 話.
 ""唔想佢地一出黎有壓力, 比自由佢選擇自己想做GE 事."",
聽完, 望住電視機, 我差D 忍唔住叫左聲"爸爸."...

今天151229, 剛剛發現的~~要學習得更專業

高教授 Professor Ko facebook專頁2015/12/28 星期一 18:48

說到底，原來又是「上進心」的問題。

從前女人會希望男人有穩定工作，但不知何時開始，工作上的「穩定」已經不夠，取而代之的是「上進心」。「上進心」三個字聽起來很正面，似是看重努力向上的奮鬥過程。只要付出過，就算失敗了也值得嘉許。

可惜問題是，講出「上進心」的人，看重的其實是結果。如果直接了當說喜歡有錢人，聽起來很 cheap，但如果改說喜歡有上進心的，感覺就高尚得多。正如男人說喜歡靚女，就是膚淺，所以要改說喜歡順眼的。

全文

http://topick.hket.com/article/1118512/%E5%B9%BE%E5%A4%9A%E7%94%B7%E4%BA%BA%E4%BF%BE%E3%80%8C%E4%B8%8A%E9%80%B2%E5%BF%83%E3%80%8D%E5%91%A2%E4%B8%89%E5%80%8B%E5%AD%97%E5%91%83%E5%92%97

151217 十二月迷思.....

151217

踏入十二月, 身邊的事不停的發生, 若每日如是, 想做的事, 真的不用做.
但同時間, 若真的做, 自己又應何去何從呢...好迷呀~

--------------------------------------------------------

十年餐廳夢

約了多年不見老友飯局, 得知經營十年的餐廳倒閉,
人變得灰了, 每日的生活模式停止了, 變得空虛又寂寞,
在旁的我都感到一股冷意.
回望自己, 創業一年多,
似乎正重覆他的覆轍, 不禁心中一寒, 當中可見

1. 生活要到處搞事, 專注單一事項 ,最終忘了生活, 忘了自己. 找點玩到老的興趣.
2,. 人心隔肚皮, 多熟多信都好, 黑白文書, 輸不了,
3. who you know is better then what you know

----------------------------------------------------------

斷章取義之-----快思慢想

當中說到的專家, 是從不停重覆的事中鑽研,
時間久了, 變得熟悉, 專業, 多角度, 無所不知,
如捉棋大師, 是從不同組合的變化而生, 再新, 也離不開棋盤.

思維放於股票上就明白到,
巿場每日都有新事情, 黑天鵝可以每天出現,
再深再專的研究, 都不會有完結一日,
搵專家, 不如搵風險規避者.

方向是要在萬變的巿場上做到出擊間風險規避.
不失是主, 有盈餘, 再進擊..


--------------------------------------------------------------

營商之道~~~BILLIONAIRE

不錯的一個APPS, 簡單, 直接,

1. 無風險生意, 難以得到, 得到了, 但回報郤低於風險投機.
2. 風險生意, 要懂得主動風險規避, 主動風险規避, 但郤失去自由,
自由是無價, 最好有一定回報才去受風險,
3. 要生意做得大, 就要懂得放手, 即使零風險生意, 你仍需要花時間, 時間很寶貴哦.

--------------------------------------------------------------

LUCKY 之十一月期權

雖然用LUCKY 去說出自己救倉一事其實好魚, 但事實歸事實,
太LUCKY , 太開心, 雖然係錯過了一閃而過的機會,
但錯過了言風險溢價同時, 冒少了輸的風險, 算賺了, 正!!!

---------------------------------------------------------------

151116 OH~~PLEASE DON"T!!!!

151116

OH~~~PLEASE DON"T!!!! 這幾天心裏一直重複著， 一直重複著。

原因, 無疑是大跌巿，自己避險不足，只有輸。

正常的話，我已將每一個危險性降低，
正常的話，大巿不可信是事實，有方向但不必跟，
正常的話，實習階段，不必搏到盡。

不過，人類總係犯著同樣的錯，我又再一次中了大巿陷阱，
再一次鬆懈地面對大巿，以為自己的方向是必然的結局，
天呀，我知錯了，可以唔好跌嗎~~~~?

這兩天，面對拔SIR 的格言，什是感觸:

""投資路上有很多陷阱, 時刻保持危機意識, 絕佳的心理質素,作出對沖的準備""

陷阱，中了;
意識，鬆了;
心理，差了;
對沖，忘了。

結果，一字既之曰，輸。

呢一刻才明白到，點解叫做"股壇不死鳥"，點解叫做老兵
每一次臨死的邊緣才覺悟，這叫人之常情，還是叫注定失敗?
股票千百年來不變，決勝就在於你有多熟悉的的心魔~

-------------------------------------------------------------------------------------------

星期六星期日心情極差，因為要做的事沒有做好

心裏盤算著，星期一開巿應要咁咁咁咁咁，最重要是面對錯誤，
是止蝕，是對沖? 是深山修練，還是........

""人類總係犯著同樣的錯""，到星期一，
當一開巿已經金晴火眼睇實，發現巿場比預期的冷靜，
最終我做了一個任性而未知是否後悔的決定，就是......

什麼也沒有做.....
呢一刻，我得到了答案，
我知道，如果唔好好改過，這叫做

""注定的失敗""

不過，只此一次吧~~~PLEASE~~~~

---------------------------------------------------------------------------------------------

雖然此役未完，但經此一役，已擬訂了之後應有的做法，
就今次，神呀，救救我吧~~~

151028 不要忘了初衷

151028

很忙很忙, 每天也被事情纏繞

不過, 邊忙邊想, 其實只是給了自己無數的借口, 

今天不想做原定計劃好的事, 

不如明天才做, 

你第一天給了借口自己, 明天會再送借口給自己. 

永無止境. 

最終

意志不抓緊, 會一天一天的鬆懈

初衷不堅持, 會被每天新事所淡忙. 

聽說. 

人與人之間智商的分別.其實相差不大,  

人與人之間相差最大的, 是各人的那一份堅持. 

好, 閒話別說, 先記下今天想記的事. 

1. 股票世界沒有可能性, 心中預算而一意孤行, 跟賭大細沒有分別. 這部份交給名家吧~

2. 股票世界不會給你希望,  希望只會杆擾做正確決定的自己, 要做的是預防措施。

3. 在股票世界不要覺得可惜,  錯過了一次機會,往後仍有千百萬個, 搏了一次, 可能就再沒有機會, 要知道, 股票千百年來, 一直伴隨你左右. 

期權

1. SCSP A RANGE 到價後而無保護, 斬了便算. 

2. 300 點以下的SHORT, 諗過先好開

3. 要保護 SC / SP 時, LC / LP 係其中一個方法, 如SC23000 LC23200

保護最好的情況 -----保障爆邊, 即大巿由23000 爆到23200, 再爆到23200 以上, 

                                   而23200 以上的價位就全數保障,
                                   當然, 23000-23200 中的200 點, 就要想法子賺回來, 例如SP 的點數

                                   開LC 23200 時要留意價格 

保護較好的情況 -----大巿不到23000, SC 全食, LC 發揮保護而兩者所得不賠本, 

                                    即細心一想,  LC / LP 做保護時的價錢要留意, 

                                    雖然最理想是開最近SC的LC 作保護, 

                                    但理想的東西, 多數係最貴, 

                                    時機錯的話, LC 價值會比SC 還要高. 

                                    最終大巿結於23000 之下, SC 大勝, 但LC 將盈利吞併, 

                                   更糟情況連SP 亦受連累, 

                                   捱了一個月的心理戰, 最後賠了夫人又折兵, ON 居不ON 居.   

保護最壞的情況 -----大巿到23199結算, 即SC 要賠上199, 而LC 要全數支付. 

                                    於最好情況說到的找SP 保護那200 點. 算是補得上, 

                                    但LC 的全數要活生生的從自己銀包支付, 好肉痛呢. 

                                    咁點算好呢~???

                                    進取的做法是. SC / SP 若爆到要保護的一方, 如SC23000, 

                                    SP 的對沖值已欠奉, 先吃SP 為敬, 再一舉揮軍將SP 戰線推前. 

                                    再食一個較高的點數, 

                                    理想的結局是, 200 點空檔全補, LC 費用由新的SP 支付。

HAHA, 情況非常理想, 

若大巿回套, 新SP 又中伏, 點算. ...????

未有研究, 下次再續, 

未知正確與否, 歡迎研究研究. 

今天一事必記, 

表面工夫不是重點. 

合何車的回應才是皇道

151003 成功需父幹?!?! 心態篇

151003

要達到財務自由的境界, 重中之重是心態.
很多人認為有了目標就可以進發, 以為是一件易事.
但要達到財務自由, 一點都不容易...

除非有成功的父親, 否則成功都要苦幹,
有如愚公移山, 不是花一輩子時間, 而是要花上好幾輩的時間,
為的是移走高山, 出城方便.
例子有點誇張, 但試想想,
假設愚公花的是半輩子時間, 而下半輩子,
就可以比前半輩子省下十倍時間出城....
而這種褔利更可延至下一代, 那花半輩子的時間, 一下子變得十分值得.

要達到財務自由有如愚公,
人人都覺得天方夜談,
人人都覺得不知所謂,
人人都覺得浪費時間,
但愚公能堅持,

財務自由路上, 不是一個立竿見影的事情,
有時, 要花上很長時間去研究, 去部署,
但發現, 走的路都是錯的, 又要重新來過,
有時會灰心, 有時想放棄,
但此時請停一停灰色的念頭,
請想一想當初開始時的初衷
再想一想, 如果呢個係一件易事,
財務自由就唔係大家所渴求的事.

150927 目標為本?? (下)

150927

重回這個老土扮時髦的題目...
上回說到...人一生..真的為工作而活嗎?
但這正是普遍的情況呀, 那怎麼辦?

答案就在於如何打破線性的賺錢模式...
家父一直從事小買賣, 雖說是小生意辛苦經營多年能養活一家,
但賺錢模式郤是一比一的線性模式...即多一分耕耘, 多一分收穫
換句話說, 即...手停, 口停, 想要多賺, 就要多努力,
這樣又回到死亡循環了, 要再努力, 就再花時間, 要再多錢, 就再多花花花時間,
但畢竟人會老, 人的時間有限, 這樣長久地做, 都不會改變情況.
而多年來的心血亦會隨著年紀增長而白癈...
這例子就跟大多數人一樣.....顧著用奴力搵錢,..只能收奴力的回報

那何謂打破線性呢??
理論就在於, 傳統是以一人去賺取一人的報酬,
打破就在於, 如何去以一人之力賺取更多人的報酬.
最理想的是, 以半人, 1/3, 1/5 之力賺取更多更多人的報酬..

潮TERM, 就稱為財務自由.....

盲目工作有用嗎? 為公司仆心仆命有用嗎?
不是沒有, 但要視乎工作, 能否令你踏上非線性之路.
方法千百萬樣......,...
但在方法之前, 先要將心態說清楚..

下回就簡單將心態說明一番.

150922 下山後的檢討 ((較後的文章))

150921

先寫上來吧, 如今次不作一個好好的檢討, 往後檢討會更難, 亦變得無效.
這篇文章早晚都一定會出現, 所以不要理會時機了, 襯現在還有記憶先記下...


下山後的檢討.

1. 沒有依計劃行事, 失敗.......
大升800 點後, SC 部位應作保護, 但最終只是搏彩性的等回調的機會, 最終1600 點外的到價已成, .
下次要做的是...到危險位置時做LC, 做一個SC 價內之LC,
如大巿繼續上升, SC 會蝕, 但LC 會賺, 互相保護,
如果大巿唔上唔落. LC 會蝕, 但SC 未到價內, 仍會食時間值, 所以SC 會賺番,
如果到左價內先做呢個動作, 就已經無意思, 因為到價內, 時間值係唔會蝕的. 但LC 又不停咁蝕, 所以一定要價外做,.
如果巿回, SC 蝕的部份減少, 而且繼續食時間值, LC 會蝕, 但即使全蝕, 至少仍有SC 保護.

2. LC 之位置不佳, 失敗.....
不要吝惜, 女將講, 一寸長, 一寸強. 斷章取義的用就是LC 價近大巿會比較好, 只要不超出SC 價就可行, 要不然, 就同上一次情況一樣. LC 不緊貼大巿, 幾張LC 先抵一張SC 所蝕, 同時LC 出事, 就救都救唔番.

3. 亂試一通, 失敗,....
巿升以LC 作保護, 不果, 發現未貼巿, 隨即又轉期指...而專注期指後發現, 其實有更好選擇,然後又轉做期權,.需說要有彈性, 隨機應變, 但似乎做得不理想時, 不如專心一樣較好...因為能達同樣效果, 又何必多此一舉

4. 心理隨住大巿波動而波動...失敗.
大巿波動屬必然啦, 你心唔定時, 個大巿就更唔定, 上上落落好正常, 心一定要靜, 再作安排...不然, 明明睇個巿的長期而非一兩下波動, 郤驚幾百點的波動而擾亂自己..

5.SP 轉變沒有策略....失敗.
SP 一味向上推, 但沒有防備...回調時亦不知所措,師父一直強調不用太急, 估計目的.....1. 等推上之SP 有足夠時間食時間值, 令向上推進之倉位有回防之空間...2. 等大巿喘定. 若是回套有空間可走動...

6. 進退失據, 失敗.....
進攻的倉位, 進攻的做, LC LP 進攻時的價值, 取態, 要堅守, 去到中途, 自己想攻, 自己估巿, 就興奮不而, 早早動用自己糧草, 白痴到不得了,
防守的倉位, 防守的做, 防守時又做進攻, 早死早著.
忍耐是一種藝術, 要好好練習.

7. 輸心態輸自己. ..失敗..
一野比人擊沉, 就想及早聞金收兵, 廢柴. 要學會接受, 再試, 再接再厲, 再調整方法,
艾SIR 都話, 要做到財務自由的路係好好好好長的, 現在只係開始...唔好咁快收兵.
黎緊個月做法...要要遠權做主打, 防守位置簡單做, 不估巿, 進退有序...



自己仍是超級初哥, 要繼續邊上山邊緊貼大巿學習.

150920 師父, 我知錯了~

150920

這兩天心情有點鬱悶,
原因是自己學藝未精就急著走下山,
最終口腫面腫的走回山中找師父.....
去了那裏, 會一步一步慢慢解釋
年少輕狂, 不知天高地厚...這些事, 避不開,
但, 為求可早日成師....就要更加沉實學習.

一步一步記錄吧....意志不定, 咁快就下山, 沒有寫BLOG,
真係唔怕笑死人...
AHHA

150827 艾FANS~~~

150827

艾SIR講過錢唔係真正令人開心的一樣東西,
實情係, 有錢可以令你有足夠時間去做自己喜歡的事,

未能達到艾SIR 的境界, 但最近郤深深體會到.
自己生意算是穩定期, 多了時間對著電腦發呆,
做著自己想做, 想計劃, 想學的東西.
生活真令人期待, 興奮

這一篇先不寫目標為本下...
寫一個比較新學到的課題---TO DO LIST

TO DO LIST 相信每個人都會做或曾做.
但我可以大胆講句. 大家都對TO DO LIST 有的誤會

以往的TO DO LIST 都係因為當日比較忙,
多野做而寫出黎方便自己.
過左個一日就唔用了.....
而個一日寫的LIST 多數都係為左當日要用的無聊事而寫..
大家試回想最近做的TODOLIST 係為咩就明白.....

今日講的TO DO LIST 係指關於成長的TODOLIST
先不要將一日到晚要做的事也全部寫下去...
1.    要寫的是對自己目標有幫助的事.. 
2.    做完後, 刪掉..
3.    TODOLIST 不是為忙碌一天而寫的. TODOLIST 是一種習慣. 是每天都必須寫.

記住這三點.. 有用的TODOLIST 已完成一大半.
舉個例, 我想大力到無朋友,
那我每天目標不是要寫每天刷牙, 上班, 然後工作有十件事, 要列先後次序,
因為這些都不會令你變大力,
而是直接寫下做20 下掌上壓.
每天做完, 就刪除..

至於寫幾多個""有用的"" TASK 就看看自己的能力而定.
這是一種長期的習慣, 一開始建議寫一至兩個就好了,
要不然今天做不到, 明天又氣餒, 然後放棄, 反變得沒意思.

而演變出來的是WEEKLY TO DO LIST, YEARLY TO DO LIST
可以推算出來, 又可以歸納出來, FREESTYLE,
最起碼要先開始吧!!!!



最近股巿暢旺, 沒有太多時間去寫BLOG.
筆者發現BLOGGER 觀看人數會隨著寫BLOG 的次數而增加及停止^^
唔理咁多, 繼續自HI...

接著下次的內容是寫.
1. 目標為本下.

150815 目標為本?? (上)

150815

多麼老土的一個題目, 但郤從小到大都被灌輸.
不過...老師呀老師, 盤古初開,. 我就是只愛玩樂.
目標就是要享樂,但你又說不要只顧玩樂,
你們只會點燈, 但不作引路,郤叫我們訂下目標走到終點.
難道我們是朗朗知道音樂人生,
難道我們是郎拿度, 喜愛踢球就能享受一生?
這比跟盲人解說何謂黃色更難.

自己跟一般家庭長大的小孩無異,
所以從小到大寫目標都只是, 學業進步, 快高長大,
學業只求進步,背下能背, 能加分的, 不求什解,
身體只求健康, 吃得玩得, 知足常樂.
出來工作, 只求加薪, 而每月所領薪水只要用完就儲起來,
所為者何? 不知道,
有目標嗎? 繼續努力工作加人工.
快樂嗎? 不快樂.

年輕時曾問自己:
人生為何?
讀書-->工作-->生活
離不開的三角.
但.....
年輕時: 80%讀書; 0%工作; 20%生活
剛工作時: 20%讀書; 70%工作; 10%生活
升職加薪後: 5%讀書;90%工作; 5 %生活......
然後再升職加薪呢?: 2% 讀書; 97%工作; 1%生活...
努力工作...真是有用嗎?
簡單的推算已看到這樣的人生會走到一個頂點....然後....然後.就無路可走了..
人生8 成時間工作, 到白髮蒼蒼時回頭再看...好看嗎?

這種糊里糊塗的日子我經歷了五年....
沒. 有. 一 .天. 感. 到. 快. 樂.!!
那.....應該如何是好呢~~~???

哇哇哇....今天一看, blogger 已有100 多人看,
首次破百, 不論是否真有其事, 再一次自high先,
hahahah, 雖然仍摸不清blogger 運作,. 但有的是時間.
破千 gogogo~~~

150813 小混混.....

20150813

這兩天要收拾好心情才繼續此BLOG.

估唔到, 呢個世界仲有小混混,
公司最近成立不久
竟有小混混來收陀地......

沒錯!!是收陀地...
以我僅有智識, 陀地只有在TVB 才能見到.
點知...此事郤偏偏發生在這小公司...

事源是這樣的..
昨天公司收到有人見工的來電,
說三點鐘到, 約三點, 二人到來,

一開始已是牛頭唔答馬咀, 不明來意,
久問亂答, 到後來二人表明來意說是來收錢,
保我公司一年無事, 而且唔會影響任何員工工作..
指示我要識做, 交出誠意.

我心諗...交得一次比你, 你下一次再來收,
無止境的被人抓緊春袋的感覺, 確實難受,.
情急智生下...唯有令二人放下介備,
態度轉好, 請他們二人出公司外商討,
以免影響公司, 二人竟乖乖服從, (所以才叫其小混混HAHA)
當二人一踏出門口, 便直接跟其說

""我公司唔受呢一套的, 要玩隨便!!!""
雖然暫時未有其他事發生, 但總算告一段落...

150811 集幾千年文化的力量.....

150811

來來來, 說點認真的事吧!

比理財先要知的事, 是大家要對自己要有個醒覺.
要是這篇純觀看的話, 倒不如開youtube 看看魔法小神童加旋吧,
最近抽空重看, 實在太好看了!!!

有了醒覺, 就要對自己的生活來點改善, 計劃, 然後實行.
對自己現在, 將來, 花點心思,
總比將來有心而無力來得好.
學術點說, 就是管理好自己。

讀書時期總是將書本上的所謂管理學死記硬背,
為的是準備考試, 實際應用? 下次再算la,
然後.....然後.....然後就只剩下....明日復明天, 明日何其多........

""管理的定義為管理者和他人及透過他人有效率且有效能地完成活動的程序。""
                                                                                                                            維基

說得厲害點, 管理學幾千年前打仗時已用, 孫子兵法都有提到的知識. 

這種知識用以自理, 不正正是運用著幾千年文化的力量嗎? 

只要大家對自己已有醒覺, 而決心去管理好自己, 

最適合自己的方法, 就自自然然而來, 

不用去浪費時間去看之後的文章. 

畢竟, 你有你的生活, 我有我的忙碌, 

適合我的, 又怎能活生生的套用在你身上. 

而如果你是馬化騰的兒子, 成龍的私生子, 還理什麼財, 

跟你找點樂還來得實際....haha

所以........比理財還先要知的事, 是要自己有醒覺去管理好自己. 

如果沒有大方向, 之後的可以一齊在這跟艾大哥學習或研究

如果有方向, 那有空來找我吹吹水, 帶點樂事給我就好了, 

150811 地球很危險

150811  

不用多說了......世界之大, 無其不有.總之, 大家小心

無疑, GOOGLE 的BLOGGER 比YAHOO 好得多, 

中文的網誌, 竟然有外國的讀者, 

我有FANSSSS LA

HAHAHA
有意思, 有意思
HAHAHA

150809 給力的閱讀技巧

150809

首要分享的, 必定是閱讀的技巧,
試問讀得太慢, 又怎能看完一篇又一篇文章呢??

技巧1,   ""讀快D, 讀快D, 再讀快D LA~~~~~""
零技巧, 集中精神閱讀, 心想著要讀快D

技巧2.   先了解整本書的大方向.
前看看, 後看看, 每個章節都看一看重點,
知道方向後再重新閱讀, 效果會事半功倍
小說, 故事例外

技巧3 .  讀到唔明, 貼標籤, 不要停留太久
當完成本書再讀時, 因為有印象了, 所以變得唔明都變明了.
絕對不要讀到唔明, 休息一下, 下次再讀,
只會令興趣大減

技巧4 .  專心讀完, 消化完先做筆記LA
諗住一邊讀, 一邊做筆記會吸收得好D?
大錯特錯LA, 要做就讀完先, 消化完先LA,
咁樣吸收仲好呀,

技巧3, 4詳細解讀十分有趣, 沒有興趣的朋友可以飛走以下部分
學習時---->> 大腦前額葉皮質區運作--> 吸收 + 消化
休息時---->> 大腦負責儲存多巴胺的神經中樞運作--> 提供創意思維去解決問題

因為大腦的運作模式如此,
所以技巧3, 唔明時就遲D 再睇, 及技巧4, 往後先做筆記會令效果更好.

技巧5. 找主題學習, 同時間去吸收相關科目會更快更吸收.
只限於大量閱讀時用, 正常人.....比較少..^^

先向艾大哥說聲抱歉, 斷章取義的解讀陸續要來了,
因為, 正常上班族又怎能完滿地看完你精彩的網誌呢.
所以小弟用自己的理解, 簡單地說出重點吧..^^

網誌主要分為理財, 被動收入, 閱讀三方面,
每一部份都活生生的將知識傳到腦袋裏,
自己有個小習慣, 就是將感興趣的網誌一拼全開,
怎知不消兩分鐘, 網頁上已開了十多篇文章,
可見, 艾網每一篇內容都十分精彩,
授予知識之餘更激動人心,不得不再為自己寫下筆記了..

150808 從艾爾文到.....

150808

從機緣巧合中找到了艾爾文, 

重新定立了方向, 找回了目標. 

從yahoo blog 停寫後再回來, 

艾網十分之不得了, 

看畢, 感覺是快要發達了, 哈哈

快忍不住心中大叫, 

往後日子, 先整理下網中所得, 

然後跟大家一同嘆住雪茄上火星吧~

每次開始一件事, 

總希望把事情準備得完美點, 

讓大家看起來帥氣一點, 

可就是因為擔心這些評論

而左右了自己隨心所欲的記錄, 

太不值得了, 而且自己確實功力不足. 

不如老老實實, 我手寫我心就好了. 

如果真的有評論, 就來點正面回饋吧. 

社會太多負面力量, 這裏是不容許存在的!!!

特別盟謝早前開了名為
""兩條腿走跟的人""一blog 的兩位訪客,
因為此blog 仍未有文, 但仍十分給力地探訪,
十級感動～～